Croeso i Ganolfan a Theatr Soar

Croeso i Ganolfan a Theatr Soar

Menter Iaith Merthyr Tudful sydd yn gweithredu Canolfan a Theatr Soar yng Nghanol Tref Merthyr Tudful. Mae'r sefydliad yn ganolbwynt i ddatblygiad y Gymraeg yn yr ardal. 

Mae sefydliadau sydd yn gwasanaethu'r ardal wedi ymgartrefu yma yng Nghanolfan Soar sef Urdd Gobaith Cymru a Dysgu Cymraeg Morgannwg. Mae'r Ganolfan hefyd yn lleoliad i gwmnïau Cymraeg ei hiaith, sef Siop Soar a Chaffi Soar.

Rydym yn cynnig ystod o weithgareddau, gweithdai a pherfformiadau mewn partneriaeth â sefydliadau sydd yn ysgogi cyfranogiad.

Wrth wraidd ein sefydliad mae darparu amgylchfyd sy'n adeiladu hunan hyder a hunan barch ac yn ehangu gorwelion ein cymuned. Mae cydraddoldeb ac amrywiaeth a llesiant ein cymuned wrth wraidd ein gwaith bob dydd.